MSK sədri: "77 nəfərin deputatlığa namizədliyi qeydə alınıb"
  • SİYASƏT

  • 15:53 31 Dekabr 2019

MSK sədri: "77 nəfərin deputatlığa namizədliyi qeydə alınıb"

Azərbaycanda 2020-ci ilin fevralın 9-a təyin edilmiş növbədənkənar parlament seçkilərində iştirak etmək üçün indiyə qədər 2 min 97 nəfər müraciət edib.

APA-nın xəbərinə görə, bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında bildirib.

MSK sədri deyib ki, onlardan 1782 nəfərin namizədliyinin irəli sürülməsi təsdiq olunub: “Namizədlərin 452 nəfəri 19 siyasi partiya, 12 nəfər təşəbbüs qrupları tərəfindən irəli sürülüb".

M.Pənahov bildirib ki, müraciət edən şəxslərdən 1535 nəfər artıq imza vərəqələrini götürüb, 290 nəfəri isə imza vərəqini qaytarıb:

“77 nəfərin deputatlığa namizədliyi qeydə alınıb. Deputatlığa naamizədliyi qeydə alınanlardan 7-i siyasi partiya üzvüdür”.

Qeyd edək ki, qeydiyyat üçün sənədlərin təqdim edilməsi müddəti 2020-ci il yanvarın 10-u saat 18:00-da başa çatır.

OXŞAR XƏBƏRLƏR