"Azərbaycan Prezidenti İlham Əliyevlə görüş zamanı azərbaycanlıların yüksək qonaqpərvərliyinin şahidi oldum".
ONA-nın xəbərinə görə, bunu Bakıda keçirilən Narkotiklərlə Mübarizə üzrə 36-cı Beynəlxalq Konfransın (IDEC) açılış mərasimində ABŞ-ın Azərbaycandakı səfiri Örli Litzenberger deyib. Səfir bildirib ki, Azərbaycan narkotiklərin qanunsuz dövriyyəsinə qarşı ciddi mübarizə aparır və bu işə töhfə verir. Amerikalı diplomatın sözlərinə görə, Azərbaycan 2001-ci ildən Əfqanıstana öz sülhməramlı qüvvələrini göndərib.
Ö. Litzenberger qeyd edib ki, Azərbaycan ABŞ üçün dəyərli tərəfdaşdır.
