Prezident İlham Əliyev Pekində "China Poly Group" Korporasiyasının sədri ilə görüşüb - [color=red]YENİLƏNİB[/color]
  • SİYASƏT

  • 12:35 25 Aprel 2019

Prezident İlham Əliyev Pekində "China Poly Group" Korporasiyasının sədri ilə görüşüb - YENİLƏNİB

Azərbaycan Respublikasının Prezidenti İlham Əliyev aprelin 25-də Pekində "China Poly Group" Korporasiyasının sədri Su Nianşa ilə görüşüb.

ONA Prezidentin mətbuat xidmətinə istinadən xəbər verir ki, korporasiyasının sədri Su Nianşa Dünya İqtisadi Forumu çərçivəsində Davosda Azərbaycan Prezidenti ilə görüşünü xatırlayaraq bu görüşün onda böyük təəssürat yaratdığını bildirib. O, rəhbərlik etdiyi şirkətin Azərbaycanla bir sıra sahələrdə əməkdaşlıq qurduğunu və ölkəmizdə fəaliyyətlərini genişləndirməkdə maraqlı olduqlarını söyləyib.

Prezident İlham Əliyev Azərbaycanda sənaye müəssisələrinin yaradılması, kənd təsərrüfatı, İKT, turizm və digər sahələrdə əməkdaşlıq üçün yaxşı imkanların olduğunu qeyd edib. Son illərdə turizm sektorunda böyük inkişafın və artımın müşahidə edildiyini deyən dövlətimizin başçısı viza rejiminin sadələşdirilməsi və elektron vizanın tətbiqi sayəsində Çindən ölkəmizə turist axınının sürətləndiyini bildirib.

Söhbət zamanı əməkdaşlığın müxtəlif sahələri ilə bağlı geniş fikir mübadiləsi aparılıb.

***

11:32

Azərbaycan Prezidenti İlham Əliyev aprelin 25-də Pekində "China Poly Group" Korporasiyasının sədri Su Nianşa ilə görüşüb. ONA-nın xəbərinə görə, bu barədə Prezidentin mətbuat xidməti məlumat yayıb.

Məlahət Nəcəfova

Teqlər: İlham Əliyev Pekin bütün xəbərlər

OXŞAR XƏBƏRLƏR