Qətərin əmiri, əmirin müavini və Beynəlxalq Qılıncoynatma Federasiyasının prezidenti Azərbaycan Prezidentini təbrik edib
  • SİYASƏT

  • 18:15 29 May 2019

Qətərin əmiri, əmirin müavini və Beynəlxalq Qılıncoynatma Federasiyasının prezidenti Azərbaycan Prezidentini təbrik edib

Qətər Dövlətinin Əmiri Əlahəzrət şeyx Təmim bin Həməd Al Tani Azərbaycan Respublikasının Prezidenti İlham Əliyevə təbrik ünvanlayıb.

ONA xəbər verir ki, təbrikdə deyilir: “Zati-aliləri.

Ölkənizin milli bayramı - Respublika Günü münasibətilə Sizə və qardaş Azərbaycan xalqına Qətər Dövlətinin xalqı adından və şəxsən öz adımdan səmimi salamlarımızı və təbriklərimizi çatdırırıq.

Bu xoş fürsətdən istifadə edərək, Zati-aliləri, Sizə möhkəm cansağlığı və firavanlıq, Azərbaycan xalqına davamlı tərəqqi və rifah, həmçinin ölkələrimizin ikitərəfli əlaqələrinin gələcək illərdə daha da inkişaf etməsini arzulayıram”.

Qətər Dövləti Əmirinin müavini Abdullah bin Həməd Al Tani də Azərbaycan Prezidentinə təbrik göndərib. 

Təbrikdə bildirilir: “Zati-aliləri.

Ölkənizin milli bayramı - Respublika Günü münasibətilə Sizə səmimi salamlarımı və təbriklərimi çatdırmaqdan məmnunluq hissi duyuram.
Zati-alinizə möhkəm cansağlığı və xoşbəxtlik, qardaş Azərbaycan xalqına isə davamlı tərəqqi və rifah arzulayıram”.

Azərbaycan Prezidenti İlham Əliyevə daha bir təbrik Beynəlxalq Qılıncoynatma Federasiyasının prezidenti Əlişir Usmanovdan gəlib.

Təbrikdə deyilir: “Hörmətli İlham Heydər oğlu.

Azərbaycanın milli bayramı – Respublika Günü münasibətilə səmimi təbriklərimi qəbul edin.

Azərbaycan hər il mayın 28-də öz tarixində ən parlaq və əlamətdar günlərdən birini – Azərbaycan Xalq Cümhuriyyətinin yaradılması gününü qeyd edir.
Ölkəniz sosial-iqtisadi, elmi-texniki və mədəni inkişaf yolunda inamla irəliləyir. Sizin müdrik siyasətiniz, uzaqgörənliyiniz və geniş təfəkkürünüz sayəsində bu gün Azərbaycan Respublikası dünya arenasında nüfuzu ilbəil artan, dinamik inkişaf edən dövlətdir.

Bu bayram günündə Sizə səmimi qəlbdən möhkəm cansağlığı, sülh, firavanlıq və Azərbaycan Respublikasının rifahı naminə bundan sonrakı fəaliyyətinizdə uğurlar arzu edirəm”.

 

OXŞAR XƏBƏRLƏR