Rusiya sülhməramlılarının müvəqqəti nəzarətində olan ərazilərdə faydalı qazıntı yataqları, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçilərinin aksiya keçirdiyi Laçın yoluna Rusiya sülhməramlıları generatorlar gətirir.
APA-nın Şuşaya ezam olunmuş əməkdaşı xəbər verir ki, aksiya iştirakçılarının qarşısını kəsən Rusiya sülhməramlıları bir qədər əvvəl modul tipli kazarmalar quraşdırıblar.
Bunun ardınca isə əraziyə generatorlar gətirilib.
Bundan başqa, sülhməramlıları ərazidə çadır da qururlar.
Belə görünür ki, eko-aktivistlərin aksiyalarının davamlı olacağını anlayan Rusiya hərbçiləri ərazidə xidmət aparmaq üçün özlərinə şərait yaratmaq qərarına gəliblər.
