Səfirlik əməkdaşları Ukraynada Miqrasiya Xidmətinin məntəqəsində saxlanılan azərbaycanlılarla görüşüblər
  • SİYASƏT

  • 15:00 19 Avqust 2019

Səfirlik əməkdaşları Ukraynada Miqrasiya Xidmətinin məntəqəsində saxlanılan azərbaycanlılarla görüşüblər

Azərbaycanın Ukraynadakı səfirliyinin əməkdaşları Kiyev vilayətində Miqrasiya Xidmətinin müvəqqəti saxlanma məntəqəsində saxlanılan həmvətənlərimizlə görüşüblər.

Səfirlikdən ONA-ya verilən məlumata görə, görüşdə səfirliyin əməkdaşları həmvətənlərimzin problemləri ilə maraqlanıb, saxlanma şəraiti ilə tanış olub, onlarla hüquqi söhbət və maarifləndirmə işləri aparıblar.

Bildirilib ki, xarici ölkələrə gələrkən həmin ölkənin qanunvericiliyi öyrənilməli və qanuna hörmətlə yanaşılmalıdır.

Müvəqqəti saxlanma məntəqəsinin rəhbərliyi ilə görüşdə səfirliyin müşaviri Vüsal Süleymanova, birinci katib Namiq Niftullayevə və Azərbaycan Respublikası Daxili İşlər Nazirliyinin Ukraynadakı nümayəndəsi, polkovnik Şahin Qocayevə məntəqənin iş rejimi, daxili intizam qaydaları, əcnəbilərin və vətəndaşlığı olmayan şəxslərin hüquqları və vəzifələri barədə ətraflı məlumat verilib.

ONA

Teqlər:

OXŞAR XƏBƏRLƏR