Səfirlik: Pakistan Ermənistanı dövlət kimi tanımır
  • SİYASƏT

  • 17:26 14 Yanvar 2020

Səfirlik: Pakistan Ermənistanı dövlət kimi tanımır

“Pakistanın Ermənistanla bağlı mövqeyində dəyişiklik yoxdur”.

APA-nın xəbərinə görə, bu barədə Azərbaycan mediasında Pakistanın Ermənistanla diplomatik əlaqələr qurmaq niyyətində olmasından bəhs edən yazıya cavab olaraq Pakistanın Azərbaycandakı səfirliyinin yaydığı açıqlamada bildirilib.

“2020-ci il yanvarın 10-da Azərbaycan yerli xəbər saytında Pakistanın Ermənistanla diplomatik əlaqələr qurmasını nəzərdən keçirdiyini iddia edən xəbər dərc olunub. Səfirlik Pakistanın Ermənistanın dövlət kimi tanınması ilə bağlı mövqeyində dəyişiklik olmadığını bəyan edir və əsassız olduğu üçün bu xəbəri təkzib edirik”, - deyə səfirliyin açıqlamasında qeyd olunub.

ONA

Teqlər: Pakistan

OXŞAR XƏBƏRLƏR