Türkiyə ilə Azərbaycan arasında viza rejimi ləğv olunacaq
  • SİYASƏT

  • 13:50 25 İyul 2019

Türkiyə ilə Azərbaycan arasında viza rejimi ləğv olunacaq

Türkiyə ilə Azərbaycan arasında tətbiq olunan viza rejimi sentyabrın 1-dən ləğv ediləcək.

APA-nın NTV-yə istinadən verdiyi xəbərə görə, bunu Türkiyənin xarici işlər naziri Mövlud Çavuşoğlu bildirib.

O, bu il sentyabrın 1-dən etibarən Azərbaycana gələcək Türkiyə vətəndaşlarının viza almayacaqlarını qeyd edib.

Azərbaycan diplomatik mənbələri də APA-ya məlumatı təsdiqləyib. Bildirilib ki, sentyabrın 1-dən etibarən Türkiyə vətəndaşları Azərbaycana vizasız səfər edə biləcəklər. Türkiyə vətəndaşlarının Azərbaycanda vizasız qalma müddətləri 30 gün müəyyənləşdirilib.

Qeyd edək ki, Türkiyə tərəfi Azərbaycan vətəndaşları viza rejimini təktərəfli şəkildə 2007-ci ildə ləğv edib. Hazırda Azərbaycan vətəndaşlarının da Türkiyədə vizasız qalma müddəti 30 gündür.

ONA

Teqlər: Türkiyə viza

OXŞAR XƏBƏRLƏR