XİN: Polşa Şərq Tərəfdaşlığının statusunu yüksəltmək niyyətindədir
  • SİYASƏT

  • 12:09 02 Aprel 2019

XİN: Polşa Şərq Tərəfdaşlığının statusunu yüksəltmək niyyətindədir

“Polşa Şərq Tərəfdaşlığının statusunu yüksəltmək niyyətindədir”.

ONA xəbər verir ki, bu barədə Polşa xarici işlər naziri Yatsek Çaputoviç “PAP”a müsahibəsində deyib.

“Biz Şərq Tərəfdaşlığının 10-cu ildönümünü Avropa İttifaqında Avropanın daha 6 ölkəsi haqqında məlumatlılığı artırmaq üçün istifadə etmək istəyirik. Bu, həmçinin Avropa İttifaqının açıq və gənclərin mübadiləsi kimi yeni proqramlar sayəsində inkişafı dəstəkləməyə hazır olduğu mesajını ötürmək üçün imkandır”, - deyə Y.Çaputovi bildirib. 

Onun sözlərinə görə, Şərq Tərəfdaşlığının statusunu yüksəltmək prosesi çərçivəsində Polşa Balkan ölkələrinin Avropa İttifaqına inteqrasiyası təcrübəsindən istifadə etmək niyyətindədir. Nazir əlavə edib ki, Şərq Tərəfdaşlığı ölkələrinin bir-biri ilə daha yaxşı əməkdaşlıq etməsi üçün Polşa bu əməkdaşlığa hüquqi status qazandırmaq istəyir: “Biz Avropa İttifaqı və Şərq Tərəfdaşlığı ölkələri arasında nazirlər səviyyəsində görüşlər təşkil etmək istəyirik”.

Qeyd edək ki, Şərq Tərəfdaşlığı 2009-cu ildə Polşa və İsveçin birgə təşəbbüsü ilə yaradılıb. Bu layihədə Azərbaycan, Moldova, Ukrayna, Gürcüstan, Belarus və Ermənistan iştirak edir.

Rəna Ağayeva

Teqlər: Polşa Şərq Tərəfdaşlığı

OXŞAR XƏBƏRLƏR