Azərbaycanda əmək müqaviləsi ilə işləyənlərin sayı 66 min nəfərədək artıb
  • SOSİAL

  • 12:20 13 Aprel 2019

Azərbaycanda əmək müqaviləsi ilə işləyənlərin sayı 66 min nəfərədək artıb

Əmək Münasibətlərinin Tənzimlənməsi və Koordinasiyası Komissiyasının Katibliyinin 4-cü iclası keçirilib.

Əmək və Əhalinin Sosial Müdafiəsi Nazirliyindən (ƏƏSMN) ONA-ya verilən məlumata görə, Katibliyin rəhbəri, ƏƏSMN-in şöbə müdiri Elnur Süleymanov “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”nda nəzərdə tutulmuş tapşırıqların icra vəziyyəti, 2019-cu ilin 1-ci rübü üzrə qeyri-formal məşğulluq sahəsində görülmüş işlər və əldə edilmiş nailiyyətlər barədə məlumat verib.

O bildirib ki, 2019-cu ilin ilk 3 ayı ərzində Əmək Müqaviləsi Bildirişi Elektron İnformasiya Sistemində əmək müqaviləsi ilə işləyənlərin sayı 65 min 821 nəfər artıb, ümumilikdə 1 milyon 467 min 782 müqavilə təşkil edib: “Həmçinin 2019-cu ilin 1 aprel tarixinə Vergilər Nazirliyində qeydiyyatda olan aktiv fiziki şəxs fərdi sahibkarların sayı 1-ci rüb ərzində 10 min 568 nəfər artaraq  371 min 569 nəfər təşkil edib”.

İclasda ölkədaxili miqrasiya üzrə statistik göstəricilərin hazırlanması, əmək resurslarının ölkədaxili miqrasiyasının monitorinqinin aparılması imkanlarının araşdırılması və təşkili ilə bağlı aidiyyəti qurumlarla birgə razılaşdırılmış təkliflərin hazırlanması müzakirə olunub.

OXŞAR XƏBƏRLƏR