AMEA "Alimlər Evi"ndə mənzil almaq istəyən alimlərin ipoteka krediti gözlədiklərini açıqlayıb
"Saray qəsəbəsində "Alimlər Evi" tikirik. Orada mənzilin 1 kvadratmetri 450 manatdır".
ONA-nın məlumatına görə, bunu jurnalistlərə açıqlamasında Azərbaycan Milli Elmlər Akademiyasının (AMEA) prezidenti Akif Əlizadə bildirib.
A. Əlizadə deyib ki, 800 alim "Alimlər Evi"ndə mənzil almaq istəyir: "Həmin alimlərdən 150-i pulunu ödəyib. İndi biz ipoteka kreditinin verilməsini gözləyirik. Hələ ki, ipoteka krediti yoxdur. İpoteka krediti verilməyə başlayanda mənzil üçün pul ödəyən alimlərin sayının 500-ə çatacağını gözləyirik ".
