Ötən şənbə günü Azərbaycanda ilk dəfə təşkil olunan "Azərbaycan Dizayn Mükafatı”nın (Azerbaijan Design Award) təqdimat mərasimi keçirilib.
ONA-nın xəbərinə görə, Azerbaijan Design Award layihəsinin təşəbbüskarları Rəhim İsmayılov, Ramin Nəsirov və Elşən Quliyevdir. Layihənin məqsədi bu sahənin ölkəmizdə inkişafı və rəqabətin artmasıdır.
Müsabiqəyə 250-dən çox azərbaycanlı gənc dizayner işlərini göndərib. Xarici ekspertlərin də təmsil olunudğu münsiflər heyəti işlərə baxıb, 8 nominasiya üzrə beş əsər finalçı olub. Bütün əsərlər kodlaşdırılıb və münsiflər heyətinə tamamilə anonim şəkildə təqdim edilib.
Seçimdən sonra qaliblər açıqlanıb:
Brendinq kateqoriyasının qalibi - Ramin Həsənəlizadə
Sənaye dizaynı kateqoriyasının qalibi - Ayla Mirzəzadə
Qablaşdırma dizaynı kateqoriyasının qalibi - Rahib Dəmirqaya
İnteryer, eksteryer kateqoriyasının qalibi - Ayaz Bağırov
İllutrasiya kateqoriyasının qalibi - Vüsalə Zeynallı
Veb dizaynı kateqoriyasının qalibi - Kamran Mədətli
Print, outdoor kateqoriyasının qalibi - Mirelvin Məmmədhəsənli
Tətbiqetmə kateqoriyasının qalibi - Amal Əlili
Tədbirin sonunda mükafatlar qaliblərə təqdim olunub.
