Azərbaycanda daha iki xristian icması qeydiyyatdan keçib
  • SOSİAL

  • 18:07 11 İyul 2019

Azərbaycanda daha iki xristian icması qeydiyyatdan keçib

Dini Qurumlarla İş üzrə Dövlət Komitəsində (DQİDK) yeni qeydiyyatdan keçmiş Bakı şəhəri “Şərqdə Ulduz” Xristian dini icması və Bakı şəhəri “Yevangelist Xristian Baptistlərin Kilsəsi” dini icmasına şəhadətnamələr təqdim edilib.

Komitədən ONA-ya verilən məlumata görə, Dövlət Komitəsinin sədr müavini Səyavuş Heydərov bildirib ki, dövlət tərəfindən mütəmadi olaraq dini konfessiyalara maddi və mənəvi dəstək göstərilir, müxtəlif etnik qrupların öz dillərini, mədəni dəyərlərini qoruyub saxlamaları, dini inanclarını rahat şəkildə yerinə yetirə bilmələri üçün lazımi şərait yaradılır.

S. Heydərov dini icmalara  fəaliyyətlərini qanunvericiliyə uyğun qurmalarını və konfessiyalar arasındakı mövcud anlayışa öz töhfələrini verməyi tövsiyə edib.

Qeydiyyat şəhadətnamələri dini icma sədrlərinə təqdim edilib.

OXŞAR XƏBƏRLƏR