Mediasiyanın tətbiq dairəsi bəlli olub.
ONA-nın məlumatına görə, bu barədə yeni hazırlanan “Mediasiya haqqında” qanun layihəsində qeyd edilib.
Yeni sənədin 3-cü maddəsində (Mediasiyanın tətbiq dairəsi) qeyd edilib ki, mediasiya aşağıdakılar üzrə tətbiq edilir:
1. Mülki işlər və iqtisadi mübahisələr (xarici elementli mübahisələr də daxil olmaqla);
2. Ailə münasibətlərindən irəli gələn mübahisələr;
3. Əmək münasibətlərindən irəli gələn mübahisələr;
4. İnzibati hüquq münasibətlərindən irəli gələn mübahisələr;
5. Cinayət işlərindən və inzibati xətalar haqqında işlərdən irəli gələn mübahisələr.
Qeyd edək ki, mediasiya – mediatorun (mediatorların) vasitəçiliyi ilə tərəflər arasında yaranmış mübahisənin qarşılıqlı razılıq əsasında həlli ilə bağlı bu qanunla müəyyən olunan prosesdir.
