Mediatorun vəzifələri müəyyənləşib.
ONA-nın məlumatına görə, bu barədə yeni hazırlanan “Mediasiya haqqında” qanun layihəsinin 12-ci maddəsində (Mediatorun hüquq və vəzfələri) bildirilib.
Yeni sənəddə qeyd edilib ki, mediatorun aşağıdakı vəzifələri var:
1. Mediasiya prinsiplərinə əməl etmək;
2. 2 ildə 1 dəfədən az olmayaraq təşkil olunan ixtisasartırma kurslarında iştirak edərək müvafiq sertifikat almaq;
3. Mediasiya zamanı tərəflərin razılığı çərçivəsində hərəkət etmək;
4. Mediasiya başlanana qədər mediasiyanın məqsədlərini, onların hüquq və vəzifələrini izah etmək;
5. Mediasiya zamanı tərəflərin ona verdiyi sənədləri qaytarmaq.
Qeyd edək ki, mediator - peşəkar əsasda mediasiya prosesinin həyata keçirilməsi üçün tərəflərin cəlb etdiyi və ya mediasiya təşkilatı tərəfindən təyin olunmuş, bu qanunun tələblərinə cavab verən şəxsdir.
