Bakı şəhərinin baş planının hazırlanmasına ötən il ayrılan vəsaitin məbləği bəlli olub.
ONA-nın məlumatına görə, ““2018-ci il dövlət büdcəsinin icrası haqqında” Qanun layihəsinə və dövlət büdcəsinin icrasına dair hesabata Hesablama Palatasının Rəyi”ndə bildirilib ki, Bakı şəhərinin baş planının hazırlanması işinin təşkili üçün beynəlxalq məsləhətçi şirkətin cəlb edilməsi məqsədilə 4 milyon manat, digər işlərə isə 9638,8 manat vəsait yönəldilib.
“2018-ci il dövlət büdcəsinin icrası haqqında” Qanun layihəsinə və dövlət büdcəsinin icrasına dair hesabata Hesablama Palatasının Rəyi” Milli Məclisin mayın 31-də keçiriləcək plenar iclasında müzakirə ediləcək.
