Bakıda 20 yol kəsişməsində yeni nişanlar quraşdırılır
  • SOSİAL

  • 10:06 12 Aprel 2019

Bakıda 20 yol kəsişməsində yeni nişanlar quraşdırılır

Bakıda 74 yol kəsişməsində nəqliyyat şəraitinin yaxşılaşdırılmasını nəzərdə tutan pilot layihənin icrası davam etdirilir.

Bakı Nəqliyyat Agentliyinin mətbuat xidmətinin rəhbəri mais Ağayevin ONA-ya verdiyi məlumata görə, hazırda işlər S.Vurğun, M. Füzuli, Ş.Bədəlbəyli, M.Əliyev, D.Əliyeva, R.Behbudov, S.Rüstəm, Kiçik Dəniz küçələri, Azdalıq və Bülbül prospektlərini əhatə edən 20 kəsişmədə icra edilir. Görülən işlər çərçivəsində qeyd edilən kəsişmələrdə yeni yol nişanları quraşdırılır, mövcud çatışmazlıqlar aradan qaldırılır. İşlər ümumilikdə 120 ədəd yol nişanı üzərində aparılır.  

Eyni zamanda artıq M.Füzuli küçəsinin S.Vurğun, R.Behbudov küçələri və Bülbül prospekti ilə kəsişməsində, həmçinin, Bülbül prospekti ilə Ş.Bədəlbəyli küçəsinin kəsişməsində sarı kəsişmə toru nişanlanması təşkil edilib. 

 

Kəmalə Quliyeva

Teqlər: BNA nəqliyyat bütün xəbərlər

OXŞAR XƏBƏRLƏR