“Azərbaycanda insanların rifahının yaxşılaşdırılması istiqamətində bu ilin birinci yarısında iki böyük sərəncamla əməkhaqlarının, pensiyaların minimum səviyyəsinin əhəmiyyətli dərəcədə artması sosial inkişafın göstəcilərindən biridir”.
ONA-nın məlumatına görə, bunu Baş nazirin müavini Əli Əhmədov deyib.
Ə.Əhmədov bildirib ki, bu gün Azərbaycanda həyata keçirilən iqtisadi, sosial inkişafla bağlı strategiyalar dayanıqlı inkişaf məqsədlərindən irəliyə gələn vəzifələrə uyğunlaşdırılıb: “Beləliklə, biz növbəti illərdə Azərbaycanın ayrı-ayrı sahələrdə əldə olunan nailiyyətlərini bütövlükdə dayanıqlı inkişaf məqsədlərindən irəliyə gələn vəzifələrin həlli kimi təsəvvür edirik. Bu istiqamətdə də işləri həyata keçiririk”.
