Bakı Dövlət Universiteti rektorunun beynəlxalq əlaqələr üzrə müşaviri Çingiz İsmayılov öz ərizəsi ilə rektorun müşaviri vəzifəsindən azad edilib.
Bu barədə ONA-ya BDU-nun mətbuat xidmətinin rəhbəri Pərvanə İbrahimova məlumat verib.
Onun sözlərinə görə, Ç.İsmayılov Coğrafiya fakültəsinin İqtisadi və sosial coğrafiya kafedrasında daxili əvəzçiliklə 0,5 ştat professor vəzifəsində qalmaqla, seçki keçirilənədək Azərbaycan coğrafiyası və coğrafiyanın tədrisi metodikası kafedrasının müdiri vəzifəsinə təyin edilib.
