Bərdədə mənşəyi məlum olmayan 180 kiloqram ət aşkarlanıb
  • SOSİAL

  • 12:11 10 İyun 2019

Bərdədə mənşəyi məlum olmayan 180 kiloqram ət aşkarlanıb

Əhalinin ərzaq təhlükəsizliyinin təmin edilməsi, insan sağlamlığına ciddi zərər vuran, istifadəyə yararsız yeyinti məhsullarının satışının qarşısının alınması istiqamətində polis orqanlarının aidiyyatı qurumlarla birgə tədbirləri davam etdirilir.

DİN-in mətbuat xidmətindən ONA-ya bildirilib ki, daxil olmuş məlumat əsasında növbəti belə tədbir iyunun 8-də Baş Dövlət Yol Polisi İdarəsinin əməkdaşları tərəfindən Bərdə şəhəri ərazisində keçirilib. Rayon sakini R.Məmmədovun idarə etdiyi “VAZ-21074” markalı avtomobil şəhər ərazisində yol polis əməkdaşları tərəfindən saxlanılıb. Avtomobilə baxış zamanı mənşəyi məlum olmayan 180 kiloqram ət aşkar edilərək götürülüb.

Ətdən götürülmüş nümunələr müvafiq ekspertizanın keçirilməsi üçün Qida Təhlükəsizliyi Agentliyinin laboratoriyasına təhvil verilib.

Faktla bağlı araşdırma aparılır.

ONA

Teqlər: yararsız ət Bərdə

OXŞAR XƏBƏRLƏR