Bu tədris ilində Azərbaycan məktəbliləri beynəlxalq olimpiadalarda 17 medal qazanıblar
  • SOSİAL

  • 11:21 17 Aprel 2019

Bu tədris ilində Azərbaycan məktəbliləri beynəlxalq olimpiadalarda 17 medal qazanıblar

 

Cari tədris ilində Azərbaycan məktəbliləri beynəlxalq fənn olimpiadalarında uğur qazanaraq ölkəmizə 1 qızıl, 6 gümüş və 10 bürünc medal olmaqla, ümumilikdə 17 medal gətiriblər.

Təhsil Nazirliyindən ONA-ya verilən xəbərə görə, şagirdlərimizin digər beynəlxalq olimpiadalarda da iştirakı gözlənilir. Belə ki, azərbaycanlı məktəblilər riyaziyyat fənni üzrə Balkan Riyaziyyat Olimpiadası, Yeniyetmələrin Balkan Riyaziyyat Olimpiadası, Beynəlxalq Riyaziyyat Olimpiadası, fizika fənni üzrə Avropa Fizika Olimpiadasına qatılacaqlar.

Eyni zamanda Beynəlxalq Fizika Olimpiadası, Beynəlxalq Mendeleyev Kimya Olimpiadası, Beynəlxalq Kimya Olimpiadası, Yeniyetmələrin Avropa İnformatika Olimpiadası, Beynəlxalq İnformatika Olimpiadası və  Beynəlxalq Biologiya Olimpiadasında da məktəblilərimizin iştirakı nəzərdə tutulub.  

Qeyd edək ki, olimpiadalara hazırlıq proqramı çərçivəsində seçilmiş şagirdlər yerli və əcnəbi müəllimlərin dərslərində, müxtəlif ölkələrdə keçirilən hazırlıq təlimlərində iştirak edirlər.

Hazırda ölkəmizdə səfərdə olan Moskva Fizika-Texniki İnstitutunun professorları tərəfindən fizika fənni üzrə Beynəlxalq Olimpiadada iştirak edəcək komandanın üzvlərinə təlimlər keçirilir. Təlimlər mayın 1-dək davam edəcək.

 

Kəmalə Quliyeva

Teqlər: təhsil olimpiada medal bütün xəbərlər

OXŞAR XƏBƏRLƏR