Çindən gələn daha bir şəxs Kliniki Tibbi Mərkəzdən buraxılıb
  • SOSİAL

  • 10:06 10 Fevral 2020

Çindən gələn daha bir şəxs Kliniki Tibbi Mərkəzdən buraxılıb

Səhiyyə Nazirliyi və İcbari Tibbi Sığorta üzrə Dövlət Agentliyi birgə müraciət yayıb.

ONA-nın xəbərinə görə, birgə məlumatda bildirilir ki, fevral ayının 10-u üçün Kliniki Tibbi Mərkəzin yoluxucu xəstəliklər şöbəsində 2 nəfər var.

Xəstəxanada olanların səhhətində ciddi problem aşkarlanmayıb. Həkim müşahidələri davam edir: "Bir daha qeyd edirik ki, bu insanlar Çinin koronavirus qeydə alınmayan şəhərlərində olublar. Onların xəstə şəxslərlə kontaktı olmayıb.

Xəstəlik alovlanan ərazidən gələnlər isə xüsusi ayrılmış tibb müəssisəsində saxlanılanılır. Həmin tibb müəssəsindən verilən məlumata görə, onların da səhhətində hər hansı bir problem aşkarlanmayıb. Karantin müddətinin sonunda onlar da evlərinə buraxılacaqlar".

Qeyd edək ki, rəsmi qurumların fevralın 5-də yaydığı məlumatda Çindən gələn 7 nəfərin Kliniki Tibbi Mərkəzin yoluxucu xəstəliklər şöbəsinə yerləşdirildiyi bildirilmişdi. Onlardan biri fevralın 6-da, üçü isə fevralın 7-də xəstəxanadan buraxılmışdı.

ONA

Teqlər: koronavirus

OXŞAR XƏBƏRLƏR