Dövlət qurumlarının avtomobillərinin idarə edilməsinə dair tələb müəyyənləşib
  • SOSİAL

  • 13:54 17 May 2019

Dövlət qurumlarının avtomobillərinin idarə edilməsinə dair tələb müəyyənləşib

Dövlət qurumlarının avtomobillərini idarə etməyi həvalə etdikləri şəxslərə dair tələb müəyyənləşib.

ONA-nın məlumatına görə, bu, "Notariat haqqında" qanuna təklif edilən dəyişiklikdə əksini tapıb.

Layihəyə əsasən, nəqliyyat vasitəsinin icarə və ya digər əşya hüquqlarına dair müqaviləni, yaxud nəqliyyat vasitəsindən istifadə edilməsi və ya ona dair sərəncam verilməsi hüquqları ilə bağlı etibarnaməni təsdiq edərkən notarius müqavilənin və ya etibarnamənin təsdiq edilməsi barədə məlumatı, habelə dövlət qurumlarının nəqliyyat vasitəsinin idarə edilməsini həvalə etdiyi şəxs barədə müvafiq məlumatları dərhal müvafiq icra hakimiyyəti orqanına göndərəcək. Müvafiq icra hakimiyyəti orqanı texniki vasitələrdən istifadə etməklə həmin məlumatı bir gün müddətində müvafiq icra hakimiyyəti orqanına göndərəcək.

Qanun layihəsi bu gün Milli Məclisin plenar iclasında səsverməyə çıxarılaraq qəbul edilib.
 

Mirmahmud Kazımoğlu

Teqlər: dövlət qurumları avtomobil bütün xəbərlər

OXŞAR XƏBƏRLƏR