ETSN Azərbaycan Avtomobil Yolları Dövlət Agentliyi barəsində protokol tərtib edib
  • SOSİAL

  • 11:20 03 Avqust 2019

ETSN Azərbaycan Avtomobil Yolları Dövlət Agentliyi barəsində protokol tərtib edib

Bakı şəhəri, Yasamal rayonu Ş.Mehdiyev və Ə.Haqverdiyev küçələrində yol çəkilişi zamanı ağacların kəsilməsi və zədələnməsi barədə Ekologiya və Təbii Sərvətlər Nazirliyinə daxil olan şikayət Nazirliyin əməkdaşları tərəfindən yerində araşdırılıb. 

Nazirlikdən APA-ya bildirilib ki, araşdırma zamanı sözügedən ünvanda aparılan yol tikintisi ilə əlaqədar tikinti altına düşən ağacların ərazidən köçürülməsi ilə bağlı verilmiş ekspertiza rəyinin tələblərinə əməl olunmadığı və köçürülmə zamanı xüsusi texnikadan istifadə edilmədiyi, nəticədə ağacların bir qisminin zədələndiyi aşkarlanıb. 

Faktla bağlı Azərbaycan Avtomobil Yolları Dövlət Agentliyi barəsində protokol tərtib olunub və toplanmış materiallar məhkəməyə hazırlanır.

Ərazidəki digər ağacların köçürülməsi zamanı aqrotexniki qaydalara əməl etmələri üçün Agentliyə icrası məcburi olan “məcburi göstəriş” verilib. 

 

ONA

Teqlər:

OXŞAR XƏBƏRLƏR