ETSN: Milli parklara səfər edən turistlərin sayında xeyli artım müşahidə edilir
  • SOSİAL

  • 15:21 03 May 2019

ETSN: Milli parklara səfər edən turistlərin sayında xeyli artım müşahidə edilir

Son günlər yaz-yay mövsümünün yaxınlaşması ilə əlaqədar milli parklara səfər edən turistlərin sayında xeyli artım müşahidə edilir.

ONA xəbər verir ki, bunu jurnalistlərə açıqlamasında ETSN-in mətbuat xidmətinin rəhbəri İradə İbrahimova deyib.

O bildirib ki, bu ilin 4 ayı ərzində ölkəmizdə fəaliyyət göstərən milli parklara ümumilikdə 11131 nəfər turist səfər edib: "Onlardan 9850-si yerli, 1281-i isə xarici vətəndaş olub. Sözsüz ki, bu rəqəm bizi razı salmır, biz istərdik ki, milli parkları ziyarət edən turistlərin sayı daha çox olsun. Düzdür, qış mövsümündə havaların soyuq olması ilə əlaqədar insanların milli parklara səyahət etməsi çox müşahidə olunmur. Ancaq may ayından etibarən milli parklara səyahət edənlərin sayının artımında böyük sıçrayış gözləyirik. Çünki hava şəraiti də, təbiət də buna imkan verəcək. Ekoloji turizm bizim üçün yeni anlayışdır və bu sahədə müsbət nailiyyətlər əldə olunacağına ümid edirik".

İ.İbrahimova əlavə edib ki, hazırda milli parklarda rəngarəngliyinə və məzmununa görə fərqlənən 110 turist marşrutu fəaliyyət göstərir.

OXŞAR XƏBƏRLƏR