Fövqəladə hallar nazirinin müavini Badamdarda sürüşmə baş verən ərazidə olub - [color=red]VİDEO[/color]
  • SOSİAL

  • 13:14 29 Yanvar 2021

Fövqəladə hallar nazirinin müavini Badamdarda sürüşmə baş verən ərazidə olub - VİDEO

Bu gün fövqəladə hallar nazirinin müavini Ragim Lətifov Badamdarda sürüşmə baş vermiş ərazidə olub.

Fövqəladə Hallar Nazirliyindən APA-ya verilən məlumata görə, nazir müavini və Nazirliyin aidiyyəti vəzifəli şəxsləri, o cümlədən mütəxəssisləri ərazidə mövcud vəziyyətlə yerində tanış olublar.

Məlumatda bildirilir ki, 28 yanvar 2021-ci il tarixində saat 21:05-də Fövqəladə Hallar Nazirliyinin "112” qaynar telefon xəttinə Bakı şəhəri, Səbail rayonu, 20-ci sahə adlanan ərazidə avtomobil yolunda torpaq sürüşməsinin baş verməsi barədə məlumat daxil olub.

 

Dərhal əraziyə Nazirliyin aidiyyəti qurumlarının nümayəndələri, eləcə də xilasedicilər cəlb edilib, ərazidə lazımi təhlükəsizlik tədbirləri görülüb, müvafiq dövlət orqanları məlumatlandırılıb.

Məlumatda qeyd olunur ki, sürüşmənin dünən eyni vaxtda Xəzər dənizində baş vermiş kifayət qədər güclü zəlzələ ilə əlaqədar olduğu ehtimal edilir. Sürüşmə zonasından müəyyən məsafədə yaponiyalı mütəxəssislərlə birgə işlənilmiş layihə əsasında Nazirlik tərəfindən 3 ədəd 30 metr dərinliyində və 3,5 metr diametrində drenaj quyuları qazılıb, istinad divarlarlı çəkilərək terraslama işləri aparılıb. Bunun nəticəsi olaraq işlər başa çatmış ərazidə heç bir sürüşmə hadisəsi baş verməyib. Dünənki sürüşmə layihənin davam etdiriləcəyi ərazidə baş verib. Xatırladaq ki, layihə hələ bitmədiyindən və ərazidə stabilləşmə prosesləri baş vermədiyindən lokal sürüşmə hadisələri hələ də gözlənilir. Vəziyyət tam nəzarət altındadır. 

ONA

Teqlər:

OXŞAR XƏBƏRLƏR