Hava şəraiti qeyri-sabit keçib, Lerikdə qar örtüyü 55 sm-ə çatıb - [color=red]FAKTİKİ HAVA[/color]
  • SOSİAL

  • 13:50 19 Yanvar 2020

Hava şəraiti qeyri-sabit keçib, Lerikdə qar örtüyü 55 sm-ə çatıb - FAKTİKİ HAVA

Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində müşahidə edilən faktiki hava şəraitini açıqlayıb.

Departamentdən ONA-ya verilən məlumata görə,  yanvarın 19-u səhərədək ölkə ərazisində hava şəraiti qeyri-sabit keçib, arabir yağış yağıb, bəzi yerlərdə intensiv olub, dağlıq ərazilərdə qar yağıb.

Düşən yağıntının miqdarı  Lənkəranda 33 mm,  Lerikdə 14 mm, Astarada 12 mm, Yardımlıda 9 mm, Ordubadda 3 mm, Naxçıvan və Şahbuzda 2 mm, Ağdərə(Ordubad), Sədərək, Qusar, Quba, Biləsuvarda 1 mm , Bakıda və Abşeron yarımadasında 1-3 mm olub.

Qar örtüyünün hündürlüyü  Lerikdə 55 sm, Sarıbaşda(Qax) 39 sm,  Kişçayda 14 sm, Ordubadda 10 sm, Yardımlı, Xınalıq, Altıağacda 8 sm, Xaltan, Qrızda 7 sm, Şahbuzda 5 sm, Naxçıvanda 4 sm, Şahdağda 3 sm, Şərur və Şahbuzda 2 sm, Gədəbəy, Şəki, Qubada 1 sm olub.

Havanın minimal temperaturu dağlıq rayonlarda 5-7 dərəcə şaxta, yüksək dağlıq rayonlarda 11-14 dərəcə şaxta olub.

OXŞAR XƏBƏRLƏR