Məktəblərin açılması üçün də, açılmaması üçün də müraciət edən valideynlər var - [color=red]QƏRARGAH[/color]
  • SOSİAL

  • 12:28 15 Avqust 2020

Məktəblərin açılması üçün də, açılmaması üçün də müraciət edən valideynlər var - QƏRARGAH

“Təhsil müəssisələri ilə əlaqədar konkret vaxt yoxdur, demək də hazırda çox çətindir”.

APA-nın məlumatına görə, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, dünya ölkələrində olduğu kimi, Azərbaycanda da azyaşlıların ən çox cəmləşdiyi təhsil müəssisələridir: “Hətta ali təhsil müəssisələrində də çox sayda tələbə toplaşır. Bu ölkə əhalisinin çox böyük hissəsini əhatə edir. Bu məsələlər epidemioloji vəziyyətdən asılı olaraq qiymətləndirilməlidir. Məktəblərin açılması ilə əlaqədar müraciət edən valideynlər var. Amma əksinə, açılmaması üçün də müraciət edənlər var. Koronavirusa qarşı mübarizədə ilk bağlanan müəssisələrdən biri məktəblər. Bu, bütün dünyada belədir. Bu məsələ hər birimiz narahat edir. Uşaqlar üçün çox çətindir. Onların kompyuter oyunlarına aludəliyi artmağa başlayıb. Uşaqlara da psixoloji baxımdan təsir edən məqamlar var”.

 

ONA

Teqlər:

OXŞAR XƏBƏRLƏR