Nazirlik: Azərbaycanda 5 milyona yaxın insan koronavirus əleyhinə peyvənd olunub
  • SOSİAL

  • 15:45 20 Oktyabr 2021

Nazirlik: Azərbaycanda 5 milyona yaxın insan koronavirus əleyhinə peyvənd olunub

“Peyvəndlərin vurulmasına müəyyən əks-göstərişlər var”.

APA-nın məlumatına görə, bunu Səhiyyə Nazirliyinin mütəxəssis-eksperti Təyyar Eyvazov "COVID-19 peyvəndləri" mövzusunda çıxışında deyib. O bildirib ki, bunlardan bəziləri müddətlikdir: “Xəstədə olan xroniki xəstəlik kəskinləşdikdə istər bir, istər ikinci doza peyvəndin vurulması bir müddət sonraya saxlanıla bilər”.

Mütəxəssis qeyd edib ki, COVID-lə xəstələnmə peyvənd olunmaq üçün maneə deyil: “Rəsmi qeydiyyata düşübsə, həmin şəxs 6 ay sonra vaksinasiyadan keçməlidir. Araşdırmalar göstərir ki, vaksinasiyadan və xəstəlikdən 6 ay sonra immunitet zəifləyir deyə, həmin şəxslər yoluxa bilər. Xəstəlik keçirən insan peyvənd olunarsa, onda əmələ gələn immunitet daha güclü olur”.

O deyib ki, ölkədə 5 milyona yaxın insan koronavirus əleyhinə peyvənd olunub: "Görülən yan təsirlərin əksəriyyəti yüngül yan təsirlərdir. Bu, maksimum 2-3 sutka ərzində keçib gedir". 

 

 

 

ONA

Teqlər:

OXŞAR XƏBƏRLƏR