Özəl və təsərrüfat hesablı dövlət tibb təchizatçıları tərəfindən göstərilmiş tibbi xidmətlərin bölgüsü məlum olub.
ONA-nın məlumatına görə, bu barədə “İcbari Tibbi Sığorta üzrə Dövlət Agentliyinin 2018-ci il üzrə fəaliyyətinə dair hesabatı”nda bildirilib.
Sənəddə qeyd edilib ki, 2018-ci ildə pilot layihə çərçivəsində digər tibb təchizatçılarına göndəriş əsasında sığortaolunanlara 1014 müraciət üzrə ümumilikdə 3212 sayda tibbi xidmət göstərilib.
Göstərilmiş xidmətlərin bölgüsü 77,51% ürək-damar cərrahiyyəsi, 7,68% neyrocərrahiyyə, 2,81% travmatologiya, 3,15% urologiya, 0,56% oftalmologiya, 0,34 % ginekologiya/doğuş, 3,18% ümumi cərrahiyyə və 4,77% digər sahələrdə olmaqla ümumi dəyəri 2219,81 min manat təşkil edib.
Qeyd edilib ki, sözügedən xidmətlər Agentliklə müqavilə əsasında bir sıra özəl və təsərrüfat hesablı dövlət tibb təchizatçıları tərəfindən göstərilib.
