Sabahın [color=red]HAVA PROQNOZU: [/color]Arabir güclənən külək meteohəssas insanlarda narahatlıq yarada bilər
  • SOSİAL

  • 13:05 30 Yanvar 2021

Sabahın HAVA PROQNOZU: Arabir güclənən külək meteohəssas insanlarda narahatlıq yarada bilər

Yanvarın 31-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi,  lakin gecə bəzi yerlərdə yağış yağacağı ehtimalı var. 

ETSN-in Milli Hidrometeorologiya Xidmətinin məlumatına görə, mülayim cənub-qərb küləyi gündüz arabir güclənəcək.  Havanın temperaturu  Abşeron yarımadasında gecə 2-4 dərəcə isti, gündüz 8-11, Bakıda gecə 2-4 dərəcə isti, gündüz 8-10 dərəcə isti olacaq. Atmosfer təzyiqi 756 mm civə sütunundan 761 mm civə sütununa yüksələcək,  nisbi rütubət  gecə 70-80 faiz, gündüz 50-55  faiz olacaq. 

Azərbaycanın rayonlarında hava şəraitinin əsasən yağmursuz keçəcəyi gözlənilir. Gecə və səhər bəzi yerlərdə duman, çiskin. Qərb küləyi ayrı-ayrı yerlərdə arabir güclənəcək. Havanın temperaturu  gecə 0-4 dərəcə isti, gündüz 7-12 dərəcə isti, dağlarda gecə 0-5 dərəcə şaxta, gündüz 0-3 dərəcə isti olacaq. 

Tibbi-meteoroloji proqnoz:

Yanvarın 31-də Abşeron yarımadasında cənub küləyinin arabir güclənəcəyi gözlənilir ki, bu da meteohəssas insanlarda narahatlıq hissi yarada bilər. 

 

 

ONA

Teqlər: hava proqnoz

OXŞAR XƏBƏRLƏR