Samuxda xəstəxana tikintisi üçün 1 milyon manat ayrılıb - [color=red]SƏRƏNCAM[/color]
  • SOSİAL

  • 16:25 08 Aprel 2019

Samuxda xəstəxana tikintisi üçün 1 milyon manat ayrılıb - SƏRƏNCAM

Azərbaycan Prezidenti İlham Əliyev “Samux Rayon Mərkəzi Xəstəxanasının layihələndirilməsi və tikintisi ilə bağlı əlavə tədbirlər haqqında” sərəncam imzalayıb.

ONA-nın xəbərinə görə, sərəncamla Samux Rayon Mərkəzi Xəstəxanasının layihələndirilməsi və tikintisi məqsədilə Azərbaycan Respublikası Prezidentinin 2019-cu il 15 yanvar tarixli 890 nömrəli Sərəncamı ilə təsdiq edilmiş “Azərbaycan Respublikasının 2019-cu il dövlət büdcəsində digər layihələr üzrə dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.19.12-ci yarımbəndində göstərilən vəsaitin 1,0 (bir) milyon manatı Səhiyyə Nazirliyinə ayrılıb.

Maliyyə Nazirliyinə göstərilən məbləğdə maliyyələşməni təmin etmək, Nazirlər Kabinetinə sərəncamdan irəli gələn məsələləri həll etmək tapşırılıb.