Təhsil naziri Ceyhun Bayramov şagirdin intihar etməsi ilə bağlı mətbuat konfransı keçirib
  • SOSİAL

  • 17:13 12 Aprel 2019

Təhsil naziri Ceyhun Bayramov şagirdin intihar etməsi ilə bağlı mətbuat konfransı keçirib

Təhsil naziri Ceyhun Bayramov bu dəqiqələrdə 162 nömrəli məktəbin şagirdi Elina Hacıyevanın intihar etməsi ilə bağlı mətbuat konfransı keçirib.

ONA-nın xəbərinə görə, mətbuat konfransında Elina Hacıyevanın işi ilə bağlı Təhsil Nazirliyinin apardığı xidməti araşdırmanın nəticələri açıqlanıb. 

Qeyd edək ki, aprelin 4-də Bakı şəhəri Səbail rayonu Etibar Əliyev adına 162 nömrəli tam orta məktəbin VIII sinif şagirdi Elina Hacıyeva intihar edib. O, 1 saylı Şəhər Klinik Xəstəxanasına yerləşdirilib. Aparılan müalicə tədbirlərinə baxmayaraq, aprelin 6-da xəstəxanada vəfat edib.

Faktla bağlı Bakı şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, iş üzrə müvafiq ekspertizalar təyin edilib və digər zəruri istintaq tədbirləri həyata keçirilir. Eyni zamanda, Bakı Şəhəri üzrə Təhsil İdarəsi tərəfindən qeyd olunan məsələ ilə bağlı xidməti araşdırma aparılır.

Azərbaycan Prezidenti İlham Əliyev və Birinci vitse-prezident Mehriban xanım Əliyeva işi nəzarətə götürüblər. Bununla bağlı aidiyyəti dövlət qurumlarına  - Təhsil Nazirliyinə, Ailə, Qadın və Uşaq Məsələləri üzrə Dövlət Komitəsinə, Daxili İşlər Nazirliyinə xüsusi tapşırıqlar verilib.

Təhsil nazirinin 8 aprel 2019-cu il tarixli əmri ilə məktəbin direktoru Abbasova Sevinc Kamil qızı araşdırma müddətində işdən kənarlaşdırılıb. Məktəbin direktoru vəzifəsinin müvəqqəti icrası Bakı Şəhəri üzrə Təhsil İdarəsinin Ümumi təhsil sektorunun aparıcı məsləhətçisi İsgəndərov Əfqan Kərəm oğluna həvalə edilib.

OXŞAR XƏBƏRLƏR