LEAD Education Təhsil və İnnovasiya Mərkəzi, YAP Gənclər Birliyi, Azərbaycan Tələbələr Gənclər Təşkilatı İttifaqının təşkilati dəstəyi və “Bank of Baku”nun baş sponsorluğu ilə "Tələbələrarası İntellekt Olimpiadası" layihəsinin I turuna start verilib.
ONA-nın xəbərinə görə, olimpiadanın formatına uyğun olaraq ilk turun oyunları birinci qrup üzrə Bakı Slavyan Universiteti, Odlar Yurdu Universiteti, Xəzər Universiteti, Azərbaycan Dövlət Mədəniyyət və İncəsənət Universiteti, Azərbaycan Dövlət Bədən Tərbiyəsi və İdman Akademiyası, Azərbaycan Turizm və Menecment Universiteti, Bakı Biznes Universiteti, Kooperasiya Universiteti və Azərbaycan Universitetində keçirilib.
Layihənin reqlamentinə əsasən ilk turda tələbələr fərdi şəkildə yarışıblar. IQ, məntiq, dünyagörüşə aid 50 sualı 100 dəqiqə ərzində cavablandırıblar. Növbəti I turun oyunları isə mayın 4-də və 11-də keçiriləcək. Birinci tur tam başa çatdıqdan sonra ümumi siyahıda ən yüksək bal toplayan tələblər may ayının sonunda final mərhələsində qalibi müəyyən edəcəklər.
Final turunda iştirak edən hər kəs LEAD Education tərəfindən magistratura, MİQ imtahanlarına hazırlıq və xarici dil kurslarının istənilən birindən 20-100% endirim qazanacaq. Final mərhələsində iştirak edən ilk 100 nəfər tələbə layihənin sponsorları və tərəfdaşlarının təqdim etdiyi aşağıdakı hədiyyələrlə mükafatlandırılacaq:
- “Baku Elektronics”dən notebook, planşet, fotoaparat;
- “İrşad Telekom”dan HONOR smartfonu və 20 ədəd HONOR band smart saatı;
- “İSMA Bike”dan 2 ədəd İSMA Bike velosipedi;
- “Bizon”-dan iştirak edən hər kəsə enerji içkiləri;
- “Boranı” restoranlar şəbəkəsindən 10 ədəd 2 nəfərlik şam yeməyi;
- “Nizami Kino Mərkəzi”ndən ən baxımlı filmlərə 20 ədəd bilet;
- Tanınmış brendərdən endirim kuponları;
- və digər tərəfdaşlarımızdan çoxlu hədiyyələr...
İnformasiya dəstəyi ONA, Trend, Report, SİA informasiya agentlikləri, “İki Sahil” qəzeti və internet TV, metbuat.az, bakupost.az, edumap.az, aztimes.az xəbər portalları və “Azərbaycan Universitetləri” facebook səhifəsi.
Olimpiadada iştirak etmək üçün universitetlərdə yaradılmış olimpiada mərkəzlərinə müraciət edə və ya aşağıdakı linkə daxil olub, qeydiyyatdan keçə bilərsiniz: http://bit.ly/2UxRfm9
Sonda bildirək ki, mayın 4-də UNEC, ADPU, ADU, BANM, BMU və Qərbi Kaspi universitetində keçiriləcək.
Qeydiyyatdan keçin və mükafatlar qazanın.
