Temperatur enəcək, intensiv yağış yağacaq, çaylarda daşqın olacaq - [color=red]XƏBƏRDARLIQ[/color]
  • SOSİAL

  • 15:23 03 İyun 2020

Temperatur enəcək, intensiv yağış yağacaq, çaylarda daşqın olacaq - XƏBƏRDARLIQ

Bir neçə gün davam edən isti hava şəraitindən sonra iyunun 3-ü axşamdan 6-sı gündüzədək Bakıda və Abşeron yarımadasında şimal-qərb küləyinin 15-18 m/s, arabir 20-23 m/s, iyunun 4-də yarımadanın bəzi yerlərində isə arabir 25 m/s-dək güclənəcəyi gözlənilir ki, bunun nəticəsində də havanın temperaturu  ötən günlərlə müqayisədə 5 dərəcəyədək aşağı enəcək.

ETSN-in Milli Hidrometeorologiya Xidmətindən APA-ya verilən məlumata görə, iyunun 4-də Azərbaycanın bəzi şimal və qərb rayonlarında, 5-i axşam və 6-da əksər rayonlarda şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir.

Qərb küləyi 15-20 m/s, ayrı-ayrı yerlərdə arabir 23-28 m/s-dək güclənəcək. Çaylarda sululuğun artacağı, Böyük və Kiçik Qafqazın bəzi dağ çaylarından qısamüddətli daşqın və sel keçəcəyi ehtimal olunur.

 

 

ONA

Teqlər:

OXŞAR XƏBƏRLƏR