Türkiyənin Azərbaycandakı səfirliyinin mətbuat müşaviri Hüseyn Altınalan “APA-Group”un qonağı olub.
“APA-Group”un rəhbəri Vüsalə Mahirqızı ilə görüşdə Azərbaycan-Türkiyə münasibətləri, regionda və dünyada baş verən proseslər, iki ölkənin media qurumaları arasında əməkdaşlıq məsələləri müzakirə olunub.
V. Mahırqızı “APA-Group”a daxil olan qurumların, o cümlədən APA İnformasiya Agentliyinin Türkiyə səfirliyi ilə yaxından əməkdaşlıq etdiyini diqqətə çatdırıb.
Öz növbəsində, H. Altınalan səfirliklə “APA-Group”un, o cümlədən digər media qurumlarının əlaqələrinin daha da yaxşılaşdırılmasına çalışacağını qeyd edib.
Görüşdə tərəfləri maraqlandıran digər məsələlər ətrafında da fikir mübadiləsi aparılıb.
