Vətən müharibəsi şəhidi İxtiyar Əliyev Goranboyda dəfn edilib  - [color=red]FOTO[/color]
  • SOSİAL

  • 14:40 14 Oktyabr 2021

Vətən müharibəsi şəhidi İxtiyar Əliyev Goranboyda dəfn edilib - FOTO

Vətən müharibəsinin şəhidi İxtiyar Əliyevlə anadan olduğu Goranboy rayonunda vida mərasimi keçirilib.

APA-nın yerli bürosunun xəbərinə görə, şəhidin nəşi Goranboy rayonunun, Goranlı kəndində yaşadığı evə gətirilib.

Vida mərasimda rayon İcra hakimiyyətinin rəhbərliyi, rayon ictimaiyyətinin nümayəndələri, şəhidin ailə üzvüləri, döyüş yoldaşları və kənd sakinləri iştirak edib.

Vida mərasimindən sonra  şəhidi İxtiyar Əliyev Goranlı kənd qəbiristanlığında torpağa tapşırılıb.

Qeyd edək ki, gizir İxtiyar Əliyev Vətən müharibəsi zamanı, oktyabrın 6-da Ağdərə istiqamətində gedən döyüşlərdə itkin düşüb. Uzun müddət onun axtarışları davam edib.

Bir müddət əvvəl Azərbaycan Respublikasının Baş Prokuroru Kamran Əliyev Vətən müharibəsi zamanı itkin düşən 7 hərbçidən birinin nəşinin tapılması və həmin şəxsin kimliyinin müəyyən edilməsi üçün ekspertiza aparıldığını bildirmişdi. Daha sonra nəşi tapılan hərbçinin gizir İxtiyar Əliyev olması barədə məlumatlar yayılsa da, ailəsi bunu təsdiq etməyərək ikinci dəfə DNT analizləri verildiyini açıqlamışdı. Əlavə DNT analizləri nəticəsində nəşi tapılan hərbçinin gizir İxtiyar Əliyev olduğu təsdiqlənib.

Allah rəhmət eləsin!

ONA

Teqlər:

OXŞAR XƏBƏRLƏR