XİN “Twitter”də işğal edilmiş ərazilərdə aparılan qeyri-qanuni fəaliyyətlərə dair hesab yaradıb
  • DAĞLIQ QARABAĞ

  • 10:45 17 Aprel 2019

XİN “Twitter”də işğal edilmiş ərazilərdə aparılan qeyri-qanuni fəaliyyətlərə dair hesab yaradıb

Xarici İşlər Nazirliyi tərəfindən “Twitter” sosial şəbəkəsində Azərbaycan Respublikasının işğal edilmiş ərazilərində aparılan qeyri-qanuni iqtisadi və digər fəaliyyətlərə dair məlumatı əks etdirən “Armenian Occupation Watch” (https:// twitter.com/ArmenOccupWatch) adlı hesab yaradılıb.

XİN-dən ONA-ya verilən məlumata görə, sözügedən “Twitter” hesabında bir sıra xarici dövlətlərdə qeydiyyatdan keçmiş hüquqi və fiziki şəxslərin ölkəmizin işğal edilmiş ərazilərində qeyri-qanuni iqtisadi və digər fəaliyyətə cəlb olunması ilə bağlı məlumatlar, faktlar və foto şəkillər yerləşdirilir.

Paylaşılan məlumatlarda xarici fiziki və hüquqi şəxslər tərəfindən ölkəmizin suverenliyi və ərazi bütövlüyünün pozulması halları, xüsusilə işğal olunmuş ərazilərdə birbaşa və ya dolayısı ilə qeyri-qanuni fəaliyyətin həyata keçirilməsi diqqətə çatdırılır və bu fəaliyyətə son qoyulmasına çağırış əks olunur.

Məlahət Nəcəfova

Teqlər: XİN twitter

OXŞAR XƏBƏRLƏR