Avropa Liqasında həftənin futbolçusu adına namizədlər müəyyənləşib
  • İDMAN

  • 09:12 19 Aprel 2019

Avropa Liqasında həftənin futbolçusu adına namizədlər müəyyənləşib

Avropa Liqasında həftənin futbolçusu adına namizədlər açıqlanıb.

ONA-nın məlumatına görə, 1/4 final mərhələsinin cavab matçlarının ən yaxşı 4 oyunçusu müəyyənləşib.

Bunlar Pedro Rodriges (“Çelsi”), Filip Kostiç (“Ayntraxt”), Petr Şevçik (“Slaviya”) və Antonio Latorredir (“Valensiya”). UEFA-nın müəyyənləşdirdiyi bu “dördlük” arasında ən yaxısını səsvermə ilə azarkeşlər seçəcək.

Qeyd edək ki, 1/4 finalın cavab oyunlarında “Çelsi” (İngiltərə) “Slaviya”nı (Çexiya) 4:3, “Arsenal” (İngiltərə) “Napoli”ni (İtaliya) 1:0, “Valensiya” (İspaniya) “Vilyarreal”ı (İspaniya), “Ayntraxt” (Almaniya) “Benfika”nı (Portuqaliya) eyni – 2:0 hesabı ilə məğlub edib.

OXŞAR XƏBƏRLƏR