Avropa Liqasının Bakıdakı finalının ilk iştirakçısı müəyyənləşib - [color=red]"Arsenal" paytaxtımıza gəlir[/color] - [color=red]VİDEO[/color]
  • İDMAN

  • 00:51 10 May 2019

Avropa Liqasının Bakıdakı finalının ilk iştirakçısı müəyyənləşib - "Arsenal" paytaxtımıza gəlir - VİDEO

Avropa Liqasının 2018/19 mövsümünün final oyununun ilk iştirakçısı müəyyənləşib.

ONA-nın məlumatına görə, Bakıda keçiriləcək həlledici görüşə ilk vəsiqə İngiltərə təmsilçisi “Arsenal”a nəsib olub.

London klubu mayın 29-da Bakı Olimpiya Stadionunda keçiriləcək matçda oynamaq hüququnu səfərdə qazanıb. İspaniyada “Valensiya”nın qonağı olan Unai Emerinin yetirmələri “Mestalya”dan qələbə ilə ayrılıblar – 4:2.

Evdəki ilk görüşdə də qələbə əldə edən “topçular” həlledici matça yüksəlib. Tarixində ikinci dəfə bu turnirin finalında oynayacaq “Arsenal” “Qalatasaray”a uduzduğu 2000-ci ildən sonra ilk dəfə bunu bacarıb.

Qeyd edək ki, “Arsenal”ın Avropa Liqasının final oyunundakı rəqibi “Çelsi” (İngiltərə) – “Ayntraxt” (Almaniya) duelində bəlli olacaq.

Avropa Liqası
Yarımfinal, cavab oyunları
9 may
23:00. “Valensiya” (İspaniya) – “Arsenal” (İngiltərə) – 2:4

Qollar: Qameyro, 11, 58 – Obameyanq, 17, 69, 88, Lakazett, 50
Baş hakim: Danni Makkeli (Hollandiya)
Valensiya. “Mestalya” stadionu
İlk oyun – 1:3

OXŞAR XƏBƏRLƏR