Azərbaycan Avropa Oyunlarına daha bir lisenziya qazanıb
  • İDMAN

  • 09:09 11 Aprel 2019

Azərbaycan Avropa Oyunlarına daha bir lisenziya qazanıb

İdman gimnastikası üzrə Avropa çempionatında çoxnövçülük yarışlarının təsnifat mərhələsi başa çatıb. 

ONA-nın məlumatına görə, Polşada təşkil olunan yarışda Azərbaycan idmançıları da qüvvələrini sınayıblar. 

Təmsilçilərimiz arasında ən yaxşı nəticəni İvan Tixonov göstərib. O, 6 hərəkətin cəmində 79,198 xal yığıb və təsnifat mərhələsində 23-cü yeri tutub. 

Bu, ona finala yüksəlmək üçün kifayət edib. Gimnastımızın həlledici mərhələyə yüksəlməsi II Avropa Oyunlarında lisenziyanı da rəsmiləşdirib. Final mərhələsi aprelin 12-də olacaq.

Digər gimnastımız Murad Ağarzayev isə 72,598 xalla 62-ci yerlə kifayətlənib. 

Qeyd edək ki, Tixonovun Minsk-2019 üçün Azərbaycan millisinin 86-cı lisenziyasına sahib olub. 

Tahir Hümmətov

Teqlər: Avropa Oyunları gimnastika lisenziya

OXŞAR XƏBƏRLƏR