Azərbaycan badmintonçusu II Avropa Oyunlarına lisenziya qazanıb
  • İDMAN

  • 21:30 29 Mart 2019

Azərbaycan badmintonçusu II Avropa Oyunlarına lisenziya qazanıb

Azərbaycan badmintonçusu Ezmi Qovimuramadhoni Belarusun paytaxtı Minskdə keçiriləcək II Avropa Oyunlarına lisenziya qazanıb. 

ONA-nın məlumatına görə, idmançımız Dünya Badminton Federasiyasının açıqladığı son reytinq siyahısına əsasən bu hüquqa yiyələnib. 

Minsk-2019-da badminton üzrə yarışlar 24-30 iyun tarixlərini əhatə edəcək. Oyunlar paytaxtın 2016-cı ildən istifadəyə verilən “Falcon club” Arenasında baş tutacaq. 

Kişilərin şəxsi kateqoriyasında 32 badmintonçu II Avropa Oyunlarının medalları uğrunda mübarizə aparacaq. 

Qeyd edək ki, II Avropa Oyunları iyunun 21-də start götürəcək və 30-da başa çatacaq. 

Tahir Hümmətov

Teqlər: Avropa Oyunları badminton

OXŞAR XƏBƏRLƏR