Azərbaycan boksçusu Avropa çempionatında mübarizəni dayandırıb
  • İDMAN

  • 09:04 13 Mart 2019

Azərbaycan boksçusu Avropa çempionatında mübarizəni dayandırıb

Rusiyanın Vladiqafqaz şəhərində 22 yaşadək kişi və qadın boksçular arasında Avropa çempionatında 1/4 final mərhələsinin bütün iştirakçıları müəyyənləşib. ONA-nın məlumatına görə, 1/8 final mərhələsinin son günündə Azərbaycan millisinin 1 üzvü qüvvəsini sınayıb.

48 kq çəki dərəcəsində rinqə çıxan Günel Rəhimova Yekaterina Paltçeva (Rusiya) ilə üz-üzə gəlib. Görüş rəqibin 5:0 (30:24, 30:24, 30:25, 30:27, 30:27) hesablı qələbəsi ilə yekunlaşıb.

Qeyd edək ki, qitə birinciliyində bu gün 1/4 final qarşılaşmaları olacaq. Yarımfinala yüksəlmək üçün Azərbaycan millisinin 4 boksçusu gücünü yoxlayacaq. Rüfət Hüseynov (49 kq) Attila Bernatla (Macarıstan), Ruslan Rüstəmov (60 kq) Dmitri Tsaşkeviçlə (Belarus), Cəbrayıl Yelekov (81 kq) Kristin Nikolovla (Bolqarıstan) və Məhmməd Abdullayev (+91 kq) Vladislav Muravinlə (Rusiya) döyüşəcək.

Tahir Hümmətov

Teqlər: Avropa çempionatı milli

OXŞAR XƏBƏRLƏR