Kolumbiya millisinin voleybolçusu Madelaynne Montano karyerasını başa vurub.
ONA-nın məlumatına görə, 36 yaşlı hücumçu bir daha meydana çıxmayacağını açıqlayıb.
O, bu qərarını ailəsinə vaxt ayırmağın zamanı olması ilə əlaqələndirib.
Qeyd edək ki, Montano 2012/2013 mövsümündə Bakının “Rabitə” klubunun şərəfini qoruyub. O, artıq fəaliyyətini dayandıran komandamızla Azərbaycan çempionu tituluna yiyələnib və klublararası dünya çempionatının, eləcə də Çempionlar Liqasının gümüş medalını qazanıb. Kolumbiyalı Azərbaycan çempionatının ən dəyərli oyunçusu da seçilib.
