Aprelin 5-7-də İtaliyanın Pesaro şəhərində bədii gimnastika üzrə Dünya Kuboku keçiriləcək.
ONA-nın məlumatına görə, mövsümün ilk analoji yarışında Azərbaycan gimnastları da xalça üzərinə çıxacaqlar.
Yığmamız fərdi yarışda Zöhrə Ağamirova və Veronika Qudislə təmsil olunacaq. Qrup hərəkətləri üzrə mübarizədə isə komandamızın heyətində Aliyə Paşayeva, Siyana Vasilyeva, Diana Əhmədbəyli, Ayşən Bayramova və Zeynəb Hümmətova yer alacaqlar.
Qeyd edək ki, gimnastlarımız yarışın keçirildiyi Pesaro şəhərinə bu gün yola düşüblər.
