Azərbaycan millisinin hücumçusu Braziliya klubu ilə müqavilə bağlayıb
  • İDMAN

  • 19:09 05 May 2019

Azərbaycan millisinin hücumçusu Braziliya klubu ilə müqavilə bağlayıb

Azərbaycan millisinin voleybolçusu Polina Rəhimova karyerasını Braziliyada davam etdirəcək. 

ONA-nın məlumatına görə, 29 yaşlı hücumçu Superliqada mübarizə aparan "Sesi" ilə anlaşıb. 

O, Braziliya təmsilçisi ilə 1 illik müqaviləyə imza atıb.

Bununla da milliləşdirilmiş Rəhimova Braziliyada forma geyinəcək ilk Azərbaycan voleybolçusu kimi tarixə düşüb. 

Qeyd edək ki, 198 sm boya malik P. Rəhimova "Sesi"yə Türkiyənin "Türk Hava Yolları" klubundan transfer olunub. Onun komandası qonşu ölkədə sonuncu mövsümü 6-cı pillədə bitirib. 

Voleybolçumuz daha öncə Cənubi Koreyada "Hyundai", Yaponiyada "Toyota", Türkiyədə "Fənərbaxça" və İtaliyada "Kasalmaggiore"də də çıxış edib. 

Tahir Hümmətov

Teqlər: Polina Rəhimova Sesi Braziliya

OXŞAR XƏBƏRLƏR