Qadın voleybolçular arasında CEV kubokunun qalibi bəlli olub. ONA-nın məlumatına görə, İtaliyanın “Yamamay” klubu yarışın qızıl medalına yiyələnib.
Apennin təmsilçisi həlledici görüşdə heyətində Azərbaycan millisinin hücumçusu Yekaterina Jidkovanın da yer aldığı Rumıniya “Alba”sını məğlub edib. İlk matçda 3:0 hesabı ilə qalib gələn “Yamamay” səfərdəki qarşılaşmada 3:1 hesabı ilə qələbə qazanıb.
Beləliklə, milli üzvü avrokuboku gümüş medalla bitirib.
Qeyd edək ki, Jidkova mövsümün əvvəlindən “Alba”da çıxış edir.
