Azərbaycan qılıncoynadanı Avropa çempionu olub - [color=red]FOTOSESSİYA[/color]
  • İDMAN

  • 22:15 31 May 2019

Azərbaycan qılıncoynadanı Avropa çempionu olub - FOTOSESSİYA

Sablya üzrə Azərbaycan millisinin üzvü Anna Başta Bolqarıstanın Plovdiv şəhərində keçirilən 23 yaşadək qılıncoynadanların Avropa çempionatında qızıl medal qazanıb. 

ONA-nın məlumatına görə, qrup mərhələsində keçirdiyi 6 görüşdən 5-ni qalib başa vuran Anna 1/16 finalda Polşa idmançısı Zuzanna Şesleri 15:6 hesabı ilə məğlub edib. 

1/8 finalda ispan Elena Hernandez Munoza 15:8 hesabı ilə qalib gələn sablyaçımız 1/4 finalda Macarıstan təmsilçisi Kern Bianka ilə görüşü də hesabına yazıb - 15:3.  

Təmsilçimiz yarımfinalda belaruslu Polina Kaspiaroviç üzərində 15:10 hesablı qələbə qazanıb. Qılıncoynadanımız finalda İtaliya idmançısı Lusia Lukarinini məğlub etməklə 23 yaşadək qılıncoynadanlar arasında Avropa çempionu olub.

OXŞAR XƏBƏRLƏR