19 yaşadək futzalçılar arasında ilk Avropa çempionatının əsas seçmə mərhələsində növbəti oyunlar keçirilib.
ONA-nın məlumatına görə, II seçmə qrupda mübarizə aparan Azərbaycan milli komandası II turun oyununa çıxıb.
Sloveniyadakı Podçetrtek İdman Sarayında keçirilən oyunda yığmamız 1:6 hesabı ilə uduzub. Bu, komandamızın ikinci böyükhesablı məğlubiyyəti olub. Millimiz bunadək Kiprə 1:7 hesabı ilə yenilmişdi. Komandamızın təsəlli qoluna 23-cü dəqiqədə, hesab 0:3 olarkən Kənan Əsədli imza atıb.
Bu məğlubiyyətdən sonra Ağatahir Əzimovun yetirmələri AVRO-2019-un final mərhələsinə vəsiqə qazanmaq şansını rəsmən itiriblər. Latviyadakı yarışa yalnız qrup qalibləri yüksəldiyindən millimiz birinci yeri tutmağa nəzəri imkanları qalmayıb. Bu üzdən də martın 30-da keçiriləcək sonuncu turun Sloveniya ilə qarşılaşması qrupda qalan yığmamız üçün formal xarakter daşıyacaq.
Qeyd edək ki, qrupun bu gün keçiriləcək digər oyununda Sloveniya və Kipr qarşılaşacaqlar.
|
1 |
Hollandiya |
2 |
2 |
0 |
0 |
11-5 |
6 |
|
2 |
Kipr |
1 |
1 |
0 |
0 |
7-1 |
3 |
|
3 |
Sloveniya |
1 |
0 |
0 |
1 |
4-5 |
0 |
|
4 |
Azərbaycan |
2 |
0 |
0 |
2 |
2-13 |
0 |
