Azərbaycanlı hakimlər beynəlxalq seminarda iştirak ediblər
  • İDMAN

  • 10:28 01 Aprel 2019

Azərbaycanlı hakimlər beynəlxalq seminarda iştirak ediblər

Türkiyənin Antalya şəhərində Avropa Cüdo Birliyinin təşkilatçılığı ilə hakimlər və məşqçilər üçün beynəlxalq seminar keçirilib.

Azərbaycan Cüdo Federasiyasından ONA-ya verilən məlumata görə, Avropanın tanınmış cüdo xadimlərinin, bir neçə idman təşkilatlarının rəsmi nümayəndələrinin də iştirak etdiyi seminar həm nəzəri, həm də praktiki hissədən ibarət olub. Tədbirdə cüdonun yeni qayda və qanunlarının tətbiqi əyani şəkildə göstərilib, geniş müzakirə edilib, fikir mübadilələri aparılıb.

Beynəlxalq seminarda Azərbaycan Cüdo Federasiyasının Hakimlər Komitəsinin sədri, beynəlxalq dərəcəli referi Mətin Rəhimli və ACF Hakimlər Komitəsinin üzvü, "A" kateqoriyalı beynəlxalq dərəcəli hakim Fariz Hüseynov da iştirak edib.

Tahir Hümmətov

Teqlər: cüdo hakim seminar

OXŞAR XƏBƏRLƏR